តុលាការឧក្រិដ្ឋកម្មអន្តរជាតិ ( ICC ) បានទទួលយកពាក្យបណ្តឹង របស់លោក មូន ពេជ្រ ប្តឹងថៃ ករណីរំលោភបំពានកម្ពុជា
រាជធានីភហនំពេញ ៖ តាមរយៈទំព័រហ្វេសប៊ុក នៅថ្ងៃទី២៣ ខែធ្នូ ឆ្នាំ២០២៥ លោក មូន ពេជ្រ ដែលបានសិក្សានៅបណ្ឌិត្យសភាយោធា សហរដ្ឋអាមេរិក បានប្រាប់ពលរដ្ឋខ្មែរថា ជនរួមជាតិ ជាទីគោរព និងជាទីរាប់អាន!
ពេលនេះ ការិយាល័យរដ្ឋអាជ្ញា នៃតុលាការព្រហ្មទណ្ឌអន្តរជាតិ ICC បានទទួលយកបណ្ដឹង របស់ពួកយើង ជាផ្លូវការ។
នេះមានន័យថា បណ្ដឹង របស់ពួកយើង នឹងត្រូវយកទៅពិនិត្យ ដើម្បីពិចារណា ដោយផ្អែកលើលក្ខន្តិកៈទីក្រុងរ៉ូម។ ម្យ៉ាងវិញទៀត ពួកយើង ក៏នៅតែអាចបន្តរាយការណ៍បន្ថែម ពីបទឧក្រិដ្ឋ ដែលពួកមេយោធា និងអ្នកដឹកនាំនយោបាយថៃ បានធ្វើមកលើមាតុភូមិ និងប្រជាជនយើង ព្រមទាំងភស្តុតាងផ្សេងទៀត ដើម្បីដាក់បន្ទុក តាមនីតិវិធីរបស់តុលាការ ព្រហ្មទណ្ឌអន្តរជាតិ ICC។
ពួកយើងធ្វើដោយសេចក្ដីស្រឡាញ់ ចំពោះមាតុភូមិ សេចក្ដីបារម្ភ ចំពោះប្រជាជន ដើម្បីការពារយុត្តិ កិត្តិយស សេចក្ដីថ្លៃថ្នូរ និងអនាគត របស់ជាតិយើង។
គិតត្រឹមពេលនេះ យើងទទួលបានអ្នកចូលរួមចំនួន ១០៨៩៤៤ នាក់ ៕ ប្រភព fb : Moon Pich
