អភិបាលខេត្តព្រះសីហនុ ថ្លែងអំណរគុណ ប្រជាពលរដ្ឋ និងមន្រ្តីរាជការ បានចូលរួមបរិច្ចាគជំនួយជូន កងទ័ពជួរមុខនិងជនភៀសសឹក
ខេត្តព្រះសីហនុ ៖ អភិបាលខេត្តព្រះសីហនុ លោក ម៉ាង ស៊ីណេត នៅថ្ងៃទី១៧ ខែធ្នូ ឆ្នាំ២០២៥នេះ បានថ្លែងអំណរគុណ ដល់បងប្អូនប្រជាពលរដ្ឋ និងមន្រ្តីរាជការទាំងអស់ ដែលបានចូលរួមបរិច្ចាគជំនួយជាថវិកា ស្បៀងអាហារ គ្រឿងឧបភោគបរិភោគ ថ្នាំសង្កូវ និងសម្ភារៈប្រើប្រាស់ផ្សេងៗ ជួយគាំទ្រដល់វីរកងទ័ពខ្មែរ នៅសមរភូមិមុខដែលកំពុងការពារបូរណភាពដែនដីខ្មែរ និងប្រជាពលរដ្ឋដែលកំពុងជម្លៀសខ្លួន ទៅកាន់ទីតាំងមានសុវត្ថិភាព ។
«ខ្មែរជួយខ្មែរ ជួយគ្នាក្នុងគ្រាអាសន្ន ❤️ ខឿនការពារជាតិប្រជាជននៅតែបន្ដ ដរាបណាការគំរាមកំហែងនៅតែមាន» 💙៕
