គ្រោះថ្នាក់ចរាចរណ៍របួសធ្ងន់២នាក់ លើផ្លូវល្បឿនលឿន មានម្នាក់ជាជនជាតិកូរ៉េ
ខេត្តកំពង់ស្ពឺ ៖ សមត្ថកិច្ចនគរបាលខេត្តកំពង់ស្ពឺ បានឲ្យដឹងថា នៅម៉ោងជាង ៩យប់ថ្ងៃទី០២ ខែវិច្ឆិកានេះ នៅលេីកំណាត់ផ្លូវល្បឿនលឿន នៅត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ មានករណីគ្រោះថ្នាក់ រថយន្តបុកពីក្រោយរថយន្ត បណ្តាលឲ្យរងរបួសធ្ងន់មនុស្ស ២នាក់ ។
សមត្ថកិច្ចនគរបាលលេីផ្លូវល្បឿនលឿន និងផ្នែកចរាចរណ៍ស្រុកភ្នំស្រួច បញ្ជាក់ថា រថយន្ត ១គ្រឿង ម៉ាក ALPHARD ពណ៌ខ្មៅ ពាក់ផ្លាកលេខភ្នំពេញ 2CF-9670 បេីកបរដោយឈ្មោះ ឡន សំបុន ភេទប្រុស អាយុ ២០ឆ្នាំ រស់នៅភូមិអង្គ សង្កាត់ប្រទះឡាង ខណ្ឌកំបូល រាជធានីភ្នំពេញ និងអ្នករួមដំណេីរ១ ម្នាក់ទៀត ឈ្មោះ SHIN JI IN ភេទស្រី អាយុ ៣០ឆ្នាំ ជនជាតិកូរ៉េខាងត្បូងកាន់លិខិតឆ្លងដែនលេខ GK2233243 ស្នាក់នៅរាជធានីភ្នំពេញ បើកបរពីទិសខាងលិចទៅទិសខាងកេីត (ព្រះសីហនុ-ភ្នំពេញ) លុះធ្វើដំណើរដល់ចំណុចកើតហេតុ ខាងលើ ក៏បានបុកពីក្រោយ រថយន្ត១គ្រឿង ម៉ាក FUSO ពណ៌ស ពាក់ផ្លាកលេខភ្នំពេញ 3C-2527 សណ្តោងសឺមីរ៉ឺម៉ក ពាក់ផ្លាកលេខ ព្រះសីហនុ 4A-2195 អ្នកបេីកបរមិនស្គាល់អត្តសញ្ញាណ (រត់គេចចេញពីកន្លែងកេីតហេតុ) ដែលកំពុងបេីកបរស្របទិសគ្នា បណ្ដាលឲ្យមានមនុស្សរងរបួស និងខូចខាតសម្ភារៈរបួសមនុស្សធ្ងន់ទាំង ២នាក់ គឺឈ្មោះ ឡន សំបុន និង SHIN JI IN) ។
ក្រោយកើតហេតុ ជនរងគ្រោះ ត្រូវ សមត្ថកិច្ច ហៅរថយន្តសង្គ្រោះ មន្ទីរពេទ្យបង្អែកត្រពាំងក្រឡឹង មកជួយអន្ដរាគមន៍ បញ្ជូនទៅសង្គ្រោះនៅមន្ទីរពេទ្យកាល់ម៉ែត្រ ភ្នំពេញ ។
ចំពោះវត្ថុតាងមធ្យោបាយ រថយន្តទាំង២គ្រឿង ត្រូវកំលាំងនគរបាលចរារចរណ៍ នៃអធិការដ្ឋាននគេបាលស្រុកភ្នំស្រួច បានបញ្ជូនមករក្សាទុករង់ចាំអនុវត្ដតាមនីតិវិធី នៅថ្ងៃក្រោយ ៕
