ករណីផ្លូវចាក់បេតុងរួច ហើយត្រូវគេដីចាក់ពីលើ មន្ទីរអភិវឌ្ឍន៍ជនបទខេត្តកណ្ដាល បានចេញសេចក្តីបំភ្លឺថា..
ខេត្តកណ្តាល ៖ ករណីផ្លូវចាក់បេតុងរួចហើយ តែត្រូវគេដឹកដី ចាក់ពីលើពិបាក ធ្វើដំណើរនោះ ដែលត្រូវបានអ្នកប្រើប្រាស់បណ្តាញសង្គមបង្ហោះផ្ទុះពេញហ្វេសប៊ុកនោះ ពេលនេះ មន្ទីរអភិវឌ្ឍន៍ជនបទ ខេត្តកណ្ដាល បានចេញសេចក្តីបំភ្លឺថា ការចាក់ដីលើផ្លូវបេតុងមួយុខ្សែនេះ គឺដើម្បីចាក់ជើងទេរ ប៉ុន្តែដោយសារភ្លៀងធ្លាក់ខ្លាំងពេក ទើបធ្វើឱ្យការងារយឺតយ៉ាវ ។
មន្ទីរអភិវឌ្ឍន៍ជនបទខេត្តកណ្ដាល បញ្ជាក់បន្តថា នឹងបញ្ចប់ការងារចាក់ជើងទេរ ផ្លូវបេតុងខាងលើនេះ ឱ្យចប់ទាំងស្រុង នៅថ្ងៃអាទិត្យ ទី២០ ខែកញ្ញា ឆ្នាំ២០២៦នេះ។
ទោះជាបែបនេះក្តី អ្នកបច្ចេកទេសមួយចំនួន បានលើកឡើងថា ការចាក់ដីធ្វើជើងទេរផ្លូវនេះ គឺគេធ្វើមុនចាក់បេតុង មិនមែនធ្វើបេតុងហើយ ទើបចាក់ជើងទេរ ជាក្រោយបែបនេះទេ ៕
