លោក Moon Pich : ការិយាល័យរដ្ឋអាជ្ញា នៃតុលាការព្រហ្មទណ្ឌអន្តរជាតិ ICC បានទទួលយកបណ្ដឹង របស់ពួកយើង ជាផ្លូវការហើយ
សហរដ្ឋអាមេរិក ៖ លោក Moon Pich : ជនរួមជាតិជាទីគោរព និងជាទីរាប់អាន!
ពេលនេះ ការិយាល័យរដ្ឋអាជ្ញា នៃតុលាការព្រហ្មទណ្ឌអន្តរជាតិ ICC បានទទួលយកបណ្ដឹង របស់ពួកយើង ជាផ្លូវការ ហើយ។
នេះមានន័យថា បណ្ដឹង របស់ពួកយើង នឹងត្រូវយកទៅពិនិត្យ ដើម្បីពិចារណាដោយផ្អែកលើលក្ខន្តិកៈទីក្រុងរ៉ូម។ ម្យ៉ាងវិញទៀត ពួកយើង ក៏នៅតែអាចបន្តរាយការណ៍បន្ថែម ពីបទឧក្រិដ្ឋ ដែលពួកមេយោធា និងអ្នកដឹកនាំនយោបាយថៃ បានធ្វើមកលើមាតុភូមិ និងប្រជាជនយើង ព្រមទាំងភ័ស្តុតាងផ្សេងទៀត ដើម្បីដាក់បន្ទុក តាមនីតិវិធីរបស់តុលាការ ព្រហ្មទណ្ឌអន្តរជាតិ ICC។
ពួកយើង ធ្វើដោយសេចក្ដីស្រឡាញ់ ចំពោះមាតុភូមិ សេចក្ដីបារម្ភ ចំពោះប្រជាជន ដើម្បីការពារយុត្តិធម៌ កិត្តិយស សេចក្ដីថ្លៃថ្នូរ និងអនាគតរបស់ជាតិយើង ៕
