គ្រោះថ្នាក់ចរារណ៍រថយន្តបុក រនាំងសុវត្ថិភាពផ្លូវល្បឿនលឿន ធ្លាក់ខុសផ្លូវរបួសធ្ងន់មនុស្សម្នាក់..
ខេត្តកំពង់ស្ពឺ ៖ សមត្ថកិច្ចនគរបាលជំនាញចរាចរណ៍មូលដ្ឋាន បានឱ្យដឹងថា មានករណី រថយន្ដមួយគ្រឿង បើកធ្លាក់ផ្លូវល្បឿនលឿន ត្រង់ចំណុចគីឡូម៉ែត្រ ៩៤+៦០០ បើកបរក្នុងទិសដៅព្រះសីហនុ-ភ្នំពេញ ស្ថិតក្នុងភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្ដកំពង់ស្ពឺ នៅថ្ងៃសៅរ៍ ទី១៩ ខែកញ្ញា ឆ្នាំ២០២៦ នេះ។
នគរបាលប្រចាំការលើផ្លូវល្បឿនលឿន បញ្ជាក់ថា មានរថយន្ត១មួយគ្រឿង ម៉ាក TOYOTA PRIUS ពណ៌ទឹកប្រាក់ ពាក់ផ្លាកលេខភ្នំពេញ 2CM-1813 បើកបរដោយឈ្មោះ រ៉េត សម្ផស្ស ភេទប្រុស អាយុ ២៦ឆ្នាំ អាសយដ្ឋាននៅភូមិតាអៀក ឃុំសំរោង ស្រុកបន្ទាយមាស ខេត្តកំពត ។ រថយន្ត នេះ ជារថយន្តតាក់ស៊ី ដឹកភ្ញៀវម្នាក់ឈ្មោះ BIHASA DEVIE LYN ភេទស្រី អាយុ ២៨ឆ្នាំ ជនជាតិហ្វីលីពីន កាន់លិខិតឆ្លងដែនលេខ P1629466D ស្នាក់នៅខេត្តព្រះសីហនុ ។
រថយន្ដខាងលើ បេីកបរពីទិសខាងលិច ឆ្ពោះទៅទិសខាងកេីត (ព្រះសីហនុ-ភ្នំពេញ) លុះបើកមកដល់ចំណុចកើតហេតុ ក៏បានរេចង្កូតទៅខាងស្ដាំដៃរួចបានបុករនាំងដែកសុវត្ថិភាព ផ្លូវល្បឿនលឿនបណ្ដាលឲ្យរថយន្ដនេះ ធ្លាក់ចុះពីផ្លូវ បង្កគ្រោះថ្នាក់ដល់អ្នកដំណេីរ និងខូចខាតសម្ភារមួយចំនួន ។
គ្រោះថ្នាក់នេះ បណ្តាលឱ្យស្រ្ដីជនជាតិ ហ្វីលីពីន ជិះក្នុងឡាន បានរងរបួសធ្ងន់ ហើយត្រូវបានក្រុមការងារផ្លូវល្បឿនលឿន និងសមត្ថកិច្ច ជួយអន្ដរាគមន៍បញ្ជូនទៅកាន់មន្ទីរពេទ្យ ដេីម្បីជួយសង្គ្រោះ នៅរាជធានីភ្នំពេញ ។
លោកវរសេនីយ៍ទោ ជុន ចន្ទដេត អអិការនគរបាលស្រុកភ្នំស្រួច បញ្ជាក់ថា បច្ចុប្បន្ន ទាំងអ្នកបើបរ និងរថយន្តជួបគ្រោះថ្នាក់ចរាចរណ៍ ត្រូវកម្លាំងជំនាញ នាំយកមកកាន់ អធិការដ្ឋាននគរបាលស្រុកភ្នំស្រួច ដេីម្បីបន្តនីតិវិធីច្បាប់ ៕
