ករណីមន្ត្រីនគរបាលចរាចរណ៍ ចុះវ៉ៃខ្នោះបុរសម្នាក់ រឿងគ្រោះថ្នាក់ចរាចរណ៍ បានដោះស្រាយបញ្ចប់ហើយ នៅថ្ងៃទី៧ ខែកញ្ញានេះ
រាជធានីភ្នំពេញ ៖ ករណីចុះអនុវត្តន៍ដីកាបញ្ជាឱ្យចូលខ្លួន របស់តំណាងអយ្យការអមសាលាដំបូងរាជធានីភ្នំពេញ ដែលចុះអនុវត្តដោយ មន្ត្រីនគរបាលចរាចរផ្លូវគោក នៃស្នងការដ្ឋាននគរបាលរាជធានីភ្នំពេញ គឺអនុវត្តន៍បានត្រឹមត្រូវតាមច្បាប់ ។ ហេីយករណីនេះ បានដោះស្រាយរួចហើយ នៅរសៀលថ្ងៃទី៧ ខែកញ្ញា ឆ្នាំ២០២៦នេះ នៅស្នងការដ្ឋាននគរបាលរាជធានីភ្នំពេញ ។
ភាគីបង្កមានឈ្មោះក្នុងដីកាបញ្ជាឱ្យចូលខ្លួន ឈ្មោះ ស្រស់ ថាវ័ន្ត ក៏បានទទួលស្គាល់កំហុស និងបានសងសំណងទៅក្មួយស្រីរងគ្រោះ (របួសបាក់ដៃខាងឆ្វេង) ។ រីឯខាងភាគីក្មួយស្រីរងគ្រោះ ក៏បានយល់ព្រមឯកភាពទទួលយកសំណង ដោយស្ម័គ្រចិត្ត និងបានធ្វើពាក្យសុំដកពាក្យបណ្តឹង ចាប់ពីថ្ងៃសម្របសម្រួលនេះគឺទី៧ ខែកញ្ញា ឆ្នាំ២០២៦តទៅ ៕
